Një qytetar nga Kosova me emrin Bin B. Aliu, është gjobitur me 200 euro nga policia austriake, pasi që shteti austriak ende nuk njeh patent shoferët e Kosovës.

Në grupin “Network Prishtina”, ai ka publikuar edhe fletën e dënimit dhe një dokument tjetër informues, ku njoftohet me shtetet patent shoferët e të cilave nuk njihen në Austri.

Siç shihet në dokumentin e publikuar, Kosova është në mesin e Afganistanit, Bolivisë, Burdunit, Indonezisë, Somalisë e të tjera vendeve, të cilave nuk u njihet patent shoferi, transmeton reporteri.

“Sot në Austri dënim për shkak t’patent shoferit që nuk na e njohin! PS. s’osht që s’kom dëgju që po dënojnë (edhe pse disa herë kam kalu pa problem), ama kurrfarë njoftimi s’kom pa zyrtarisht në faqe të ambasadës sonë në Wien, e as të Austrisë në Prishtinë… Ma e keqja është që ne jemi në një liste me shtete që mundeni me i pa në foto”, ka shkruar Aliu.

Pak muaj më parë, Gjermania ka vendosur që të njoh patent shoferët e lëshuar nga autorietet e Kosovës, pas negociatave mes dy shteteve dhe një komisioni gjerman që kishte ardhur në Kosovë për të parë nga afër procedurat e lëshimit të patent shoferëve në Kosovë.

Ky problem nuk është zgjidhur ende me Austrinë.